Main saagar hoon, gehraai mein raaz chupaye, Upar leheron ka shor, andar shanti ke saaye. Khara pan hai meri fitrat, mitti ka hai sparsh, Nadi ke meethe sapne, dil mein sada ek harsh. Chhalakti leherein kahin, kahin gehrayi ka bhed, Main do dharatiyon ka sangam, na haara, na jeet. Khoj raha hoon vo nadi, jo mile mujhe ek din, Saagar ke is kharepan mein, mile jeevan ka amrit bin. ©Ishant Jaiswal

Ishant Jaiswal

White Kabhi galat raah bhi de de nayi pehchaan, Tod de bhram ko, mita de jhootha abhimaan. Duniya ka shor jab khud hi chup ho jaaye, Dil ka sannata ek geet suna jaaye. Bulbule umeedon ke toot kar sikhaate hain, Andheron mein bhi tare chamka jaate hain. Khud se milne ka ehsaas tab hota hai, Jab andar ka sannata ek nayi duniya roshan karta hai. ©Ishant Jaiswal

Ishant Jaiswal

Bachpan ki wo masoomiyat fir lauta do, Dil ke jazbaat ko zubaan se jaga do. Jo rishton mein thi ek nirmal si baat, Usko fir se hriday mein jagah dila do. Kyun ab rishte soch samajh ke band gaye, Zangeeron mein vyakt karna sab andh gaye. Koi toh unn dhaagon ko fir se jodo, Jo dil se dil ka rishta tha, wo fir kholo ©Ishant Jaiswal

Ishant Jaiswal

Night sms quotes messages in hindi Kuch yoon raat ke andhere mein hum khud se baat karte hai, Aur chandni ke saath apne armaanon ko aakar dete hai. Zindagi se ek vyapar kar lete hai, Kiston ki khushiyon ke badle khamosi se samjhauta kar lete hai. Kuch yoon hum bache se bade ban jaate hai, Aur har khwahish ko zarurat ke tarazu mein taulne lag jaate hai. Kuch yoon raat ke andhere mein hum ek sukoon paate hai, Jo din ke shor mein aksar kho jaata hai ©Ishant Jaiswal

Ishant Jaiswal

Kalam uthayi, alfaaz kho gaye, Dil ke jazbaat chupke so gaye. Sawalon ke ghere mein bhatakte rahe, Sapne mitti mein gum ho gaye. Khwahish ke par asmaan mein khoye, Waqt ke saath bechaini mein roye. Pyar diya, par kinara na mila, Khud se poocha, jawab tha - sila. Dil ne kaha, jo reh gaya, wahi tha, Khud se pyar ab bhi zinda tha. ©Ishant Jaiswal

Ishant Jaiswal

White Haste se ab ghabrahat hone lagi hai, Zindagi ek raaz si lagne lagi hai. Jahan roshan chiraagon ka tha ek jahan, Ab khud ke saayon mein khona lagi hai. Na samjhe mohabbat ka dard kya tha, Khwabon ke shehar mein ghum kya tha. Jo roshan tha, ab woh dhundhla sa hai, Sach aur maya ke beech uljhan ka jaha hai. Zindagi ka paimana badalta raha, Manzil ka sapna bhatakta raha. Safar hai, magar raah gehri hai bhari, Har mod pe lagti ek duniya nyaari. ©Ishant Jaiswal

Ishant Jaiswal