Categories
- Shayari
- Quotes
- Thoughts
- Sad
- Wishes
- Love
- Comedy
- Poetry
- Videos
- Bhakti

Language

RSS

Nojoto App Download

ચૈતન્ય જોષી

Follow

129Stories
202Followers
952Love 4468Views

Latest
Popular
Video

ચૈતન્ય જોષી

#કવિતા લઈને કોઈ માંગણી, નહિ આવું હરિ તારા દ્વારે.
લૈને યાચનાઓ ઘણી, નહિ આવું હરિ તારા દ્વારે.

માનવો છે આભાર તારો માનવદેહ આપવા બદલ,
પ્રાર્થનાઓ ગણીગણી, નહિ આવું હરિ તારા દ્વારે.

ૠણી છું તારો કૃપાનિધિ, નથી ચૂકવી શકતો કદી,
લૈ આશા વૈંકુઠ તણી, નહિ આવું હરિ તારા દ્વારે.

સાવ અભણની કક્ષા મારી હરિવર તું ઓળખજે,
ડીગ્રીઓ કે ભણીગણી, નહિ આવું હરિ તારા દ્વારે.

તું જ ધ્યાન રાખી સાચવજે મને હોય જ્યાં ખરાખરી,
ભલેને વખત આવે અણી, નહિ આવું હરિ તારા દ્વારે.

- ચૈતન્ય જોષી. ' દીપક ' પોરબંદર.

©ચૈતન્ય જોષી

નહિ આવું.

169 View

ચૈતન્ય જોષી

#કવિતા *માણસ.*

આજે માણસની અંદર ક્યાંક સંતાઈ ગયો છે માણસ.
આજે માણસની અંદર ક્યાંક લપાઈ ગયો છે માણસ.

ચહેરેમહોરે લાગે છે માણસ એની ના નથી જરા પણ ,
લાલચ નામની બૂરી બલામાં એ ફસાઈ ગયો છે માણસ.

વિચાર અને વાતની બાબતમાં માનવ છે એમ જ લાગે,
આચરણની વાત મૂકોને એનાથી ભૂલાઈ ગયો છે માણસ.

પદ,પ્રતિષ્ઠાને પૈસાની પાછળ આંધળી દોટ મૂકે છે એ,
મહત્ત્વકાંક્ષાની મધલાળમાં કેવો ભરખાઈ ગયો છે માણસ.

ઈશ્વરને પણ એ માને છે, પૂજે છે આસ્તિકના મહોરાથી,
માનવતાની મૂડી ગુમાવીને જાણે કે નંખાઈ ગયો છે માણસ.

- *ચૈતન્ય જોષી. ' દીપક ' પોરબંદર.*

©ચૈતન્ય જોષી

માણસ.

92 View

ચૈતન્ય જોષી

#કવિતા પહેલાં મર્યાદા તારી સ્વીકાર તું.
પછી લક્ષ્ય કોઈ તારું ધાર તું.

કઠોર પરિશ્રમ છે જ નિર્વિકલ્પ,
પુરુષાર્થને જીવનમાં આચાર તું.

વરસાદ થશે ટીકાટિપ્પણનો કૈં,
વધ આગળ; ના ગણકાર તું.

અંતરાયો વાટ જોઈને જ બેઠા,
કર્મયોગી બની એને પડકાર તું.

ધૈર્યકંથા ગ્રહી નિજ સંગાથમાં,
મુસીબતોથી કદીએ ના હાર તું.

આત્મવિશ્વાસ રાખ અડીખમ,
સફળતા રોપશે તુજકંઠે હાર તું.

રહેજે સમ્યક વિજયવેળા આવી,
માનજે પરમેશ્વરનો આભાર તું.

ચૈતન્ય જોષી. ' દીપક ' પોરબંદર.

©ચૈતન્ય જોષી

પુરુષાર્થ.

113 View

ચૈતન્ય જોષી

#કવિતા અપેક્ષા મારી.

દેવ બનીને શું કરવું માણસ થવાની અપેક્ષા મારી.
સ્વર્ગનાં સુખ તુચ્છ, ધરામાં વસવાની અપેક્ષા મારી.

વિશાળ બંગલામાં રહીને પછી મારે શું કરવાનુંને,
કોઈ રંક ઝૂંપડીમાં શાતિથી રહેવાની અપેક્ષા મારી.

ધનદોલતને માલમિલકત ના બેંકબેલેન્સ લોભાવતાં,
જીવવા પૂરતું જમી ભૂખ્યાં જમાડવાની અપેક્ષા મારી.

માનસન્માનને વાહવાહી મને સુખ આપી શકનારાં,
જનેજનના ઉરમાં વસી, સ્થાન લેવાની અપેક્ષા મારી.

મળી જાય મને માધવ જો દરિદ્રનારાયણના વેશમાં,
એનાં દુઃખ દૂર કરી ,સાચી સાધના કરવાની અપેક્ષા મારી.

- ચૈતન્ય જોષી. ' દીપક ' પોરબંદર.

©ચૈતન્ય જોષી

અપેક્ષા મારી

134 View

ચૈતન્ય જોષી

#કવિતા 'રામ'નામધારી રાવણ અમે જોયા ઘણા.
એ વિચારે સાચા રામને અમે ખોયા ઘણા.

દાઝેલો દૂધનો છાશ પણ ફૂંકીને પીનારો,
વર્તને માનવીના દગાઓ વળી રહ્યા ઘણા.

હતી એક મંથરા રામરાજ્યને અટકાવતી,
એના ભરોસે ખોટા કોઈને પરખ્યા ઘણા.

આજ પણ વિભીષણ શક્ય છે શોધો તો,
બાકી સ્વાર્થરત સઘળે અમને મળ્યા ઘણા.

હયાત છે જટાયુસમા સહાયતા કરનારા,
બાકી ગરજ સરતાંને વૈદ વેરી થયા ઘણા.

નામ એ તો પ્રાકૃત ઓળખ રહી આપણી,
કેવળ કામથકી જાણીતા નજરાયા ઘણા.

- ચૈતન્ય જોષી. ' દીપક ' પોરબંદર.

©ચૈતન્ય જોષી

જોયા ઘણા.

211 View

ચૈતન્ય જોષી

#કવિતા સન્માન હોય કે અપમાન તટસ્થ છું હું.
વિજય હોય કે પરાજય તટસ્થ છું હું.

નથી અપેક્ષા કરી કે કામની કદર થાય,
વખાણ હોય કે પછી ટીકા તટસ્થ છું હું.

મને તો મજા છે કર્મયોગી બનવામાં જ,
સફળતા મળે કે નિષ્ફળતા તટસ્થ છું હું.

" વાહવાહી " ની લત બૂરી ન સતાવે કદી,
શાંતિ હોય કે પછી ઉકળાટ તટસ્થ છું હું.

કર્મફળ કે પ્રારબ્ધ ના કદી પણ ડરાવે મને,
સ્વીકાર હોય કે ધિક્કાર તટસ્થ છું હું.

- ચૈતન્ય જોષી. ' દીપક ' પોરબંદર.

©ચૈતન્ય જોષી

તટસ્થ છું.

130 View

Trending Topic