"ਕੀ ਹੋਇਆ"(ਗ਼ਜ਼ਲ) ਖਿਜ਼ਾਵਾਂ ਦੇ ਝਾੜੇ ਅਸੀਂ ਪੱਤੇ ਉਏ ਸੱਜਣਾ, ਤੂੰ ਆਇਆ ਜੇ ਬਣ ਕੇ ਪਤਝੜ ਕੀ ਹੋਇਆ। ਨਾਲ਼ ਹਵਾਵਾਂ ਅਸੀਂ ਬੇਘਰ ਹੋਏ, ਤੂੰ ਵਗਿਆ ਜੇ ਬਣ ਕੇ ਝੱਖੜ ਕੀ ਹੋਇਆ। ਇਹਨਾਂ ਕਲਮਾਂ ਤੇ ਪੰਨਿਆਂ ਮੈਨੂੰ ਇਲਮ ਨਾ ਕਾਹੀ, ਤੂੰ ਮਿਲਿਆ ਜੇ ਬਣ ਕੇ ਅੱਖਰ ਕੀ ਹੋਇਆ। ਤੂੰ ਪੁੰਨਿਆ ਦਾ ਚੰਨ,ਸੁਕੂਨਾਂ ਦੀ ਖਾਨ, ਤੈਨੂੰ ਪਾਇਆ ਜੇ ਬਣ ਕੇ ਮੈਂ ਫ਼ੱਕਰ ਕੀ ਹੋਇਆ। ਤੇਰੇ ਕਦਮਾਂ ਚ ਫੁੱਲ,ਮੇਰੇ ਨੈਣਾਂ ਚ ਅਸ਼ਕ, ਤੂੰ ਵੱਜਿਆ ਜੇ ਬਣ ਕੇ ਪੱਥਰ ਕੀ ਹੋਇਆ। ਤੇਰੇ ਬਾਹੀਂ ਚੂੜਾ,ਪੈਰੀਂ ਪੰਜੇਬ, ਮੇਰਾ ਸਜਿਆ ਜੇ ਬਣ ਕੇ ਸੱਥਰ ਕੀ ਹੋਇਆ। ©Baljit Hvirdi

Baljit Hvirdi

"ਓਹ ਮੈਂ ਹੀ ਸੀ"(ਗ਼ਜ਼ਲ) ਕੁਝ ਖੋਹ ਗਿਆ ਸੀ ਮੇਰੇ ਅੰਦਰ, ਭਾਲਣ ਨਿਕਲਿਆ ਤਾਂ ਵੇਖਿਆ, ਓਹ ਮੈਂ ਹੀ ਸੀ..। ਜਾਪਿਆ ਜਿਵੇਂ ਦਿਨ ਢਲਿਆ, ਸ਼ੀਸ਼ੇ ਅੱਗਾਂ ਖਲੋਇਆ ਤਾਂ ਵੇਖਿਆ, ਓਹ ਮੈਂ ਹੀ ਸੀ..। ਬਾਲਣ ਫੂਕ ਨਿੱਘ ਸੇਕ, ਖੁਦ ਨੂੰ ਜਦ ਛੂਹਿਆ ਤਾਂ ਵੇਖਿਆ, ਓਹ ਮੈਂ ਹੀ ਸੀ..। ਥੋਰਾਂ ਸਮਝ ਜਿਸ ਸੁੱਟ ਆਇਆ ਸਾਂ, ਬੀਜ ਜਦ ਬੋਇਆ ਤਾਂ ਵੇਖਿਆ, ਓਹ ਮੈਂ ਹੀ ਸੀ..। ਤੂਫ਼ਾਨਾਂ ਤੋਂ ਕਿਸ਼ਤੀ ਜੋ ਬਚਾਉਂਦਾ ਰਿਹਾ, ਮਲਾਹ ਜਦ ਡੁੱਬਿਆ ਤਾਂ ਵੇਖਿਆ, ਓਹ ਮੈਂ ਹੀ ਸੀ..। ਜੀਉਂਦੇ ਜੀ ਜਿਸ ਪ੍ਰੇਤ ਤੋਂ ਡਰਦਾ ਰਿਹਾ, ਸ਼ਖਸ ਜਦ ਮਰਿਆ ਤਾਂ ਵੇਖਿਆ, ਓਹ ਮੈਂ ਹੀ ਸੀ..। ©Baljit Hvirdi

Baljit Hvirdi

White ਕੁਝ ਖੋਹਣ ਦਾ ਡਰ ਨਾ ਹੋਣਾ ਹੀ ਖੌਫ ਦਾ ਅੰਤ ਹੁੰਦਾ, ਤੇ ਖੌਫਾਂ ਦਾ ਅੰਤ ਹੋ ਜਾਣ ਤੋਂ ਬਾਅਦ ਜ਼ਿੰਦਗੀ ਦੀਆਂ ਮਿਆਦਾਂ ਨਹੀਂ, ਮਿਆਰ ਮਾਪੇ ਜਾਂਦੇ ਆ। ©Baljit Hvirdi

Baljit Hvirdi

green-leaves "ਮੈਂ ਹੈਰਾਨ ਹਾਂ...! ਮੇਰੇ ਖਾਮੋਸ਼ ਹੋਵਣ ਦੇ ਹੁਨਰ 'ਤੇ, ਜੋ ਹੁਣ ਮੇਰੇ ਮਰਨ 'ਤੇ ਵੀ ਕਦੇ ਚੀਖਦਾ ਸੁਣਾਈ ਨਹੀਂ ਦਿੰਦਾ" ©Baljit Hvirdi

Baljit Hvirdi

"ਇੰਤੇਂਹਾਂ-ਏ-ਦੌਰ" ਮੈਂ ਸਮੰਦਰ ਸੈਲਾਬਾਂ ਹੱਥੋਂ ਉਝੜ ਗਿਆਂ, ਬਣ ਗੁਲਿਸਤਾਂ-ਏ-ਮੋਹੱਬਤ ਤੇ, ਗੁਲਾਬਾਂ ਹੱਥੋਂ ਉਝੜ ਗਿਆਂ। ਮਹਿਫ਼ਿਲਾਂ ਦੀ ਸ਼ਿਰਕਤ ਤੋਂ ਬਚਦਾ-ਬਚਦਾ, ਤਨਹਾਈ ਦੇ ਅਦਾਬਾਂ ਹੱਥੋਂ ਉਝੜ ਗਿਆਂ। ਨਜ਼ਰ ਓਹਦੀ ਨੂੰ ਢੂੰਢਣ ਖਾਤਰ, ਸ਼ਰਾਬਾਂ ਹੱਥੋਂ ਉਝੜ ਗਿਆਂ। ਨੀਂਦ ਸੁਕੂਨ ਦੀ ਸੋਵਣ ਲਈ, ਕਦੇ ਬਿਸਤਰ ਤੇ ਕਦੇ ਖ਼ਵਾਬਾਂ ਹੱਥੋਂ ਉਝੜ ਗਿਆਂ। ਝੂਠਾਂ ਨੂੰ ਸੱਚ ਬਤਾਵਣ ਲਈ, ਅਹਿਦਾਂ ਦੇ ਨਵਾਬਾਂ ਹੱਥੋਂ ਉਝੜ ਗਿਆਂ। ©Baljit Hvirdi

Baljit Hvirdi

"ਆਵਾਜ਼" ਅਦਬੋਂ ਅਵਾਜ਼ਾਰ ਜੇ ਨਾ ਮੁਹੱਬਤ ਹੁੰਦੀ, ਠਾਠ ਰੂਹ ਦੀ ਕਦੇ ਤਿੜਕੇਂਦੀ ਨਾ। ਜਾਗ ਇੱਛਕ ਦਾ ਜੇਕਰ ਤੂੰ ਲਾ ਜਾਂਦਾ, ਮੈਂ ਨਜ਼ਰਾਂ ਦੀ ਚਾਟੀ ਦੇ ਵਿੱਚ "ਮਾਹੀਆ", ਦੁੱਧ ਬਿਰਹਾਂ ਦਾ ਕਦੇ ਰਿੜਕੇਂਦੀ ਨਾ। ਪਹਿਨ ਸੂਹਾ ਮੈਂ ਸੁਹਾਗਣ ਥੀਂ ਲੈਂਦੀ, ਤੇ ਸਫ਼ੈਦਾਂ ਨੂੰ ਓੜ ਕੇ ਇੰਝ "ਮਾਹੀਆ", ਸ਼ੀਸ਼ੇ ਅਸਮਤ ਦੇ ਕਦੇ ਲਿਸ਼ਕੇਂਦੀ ਨਾ। ©Baljit Hvirdi

Baljit Hvirdi