Happy Holi उधळून जावू दे आज रंग सारे, भावप्रितिचे गंध बंध नाती सारे ॥ रंगूनिया गेले भाव रेशमाचे, हरपूनिया गेले ठाव मदनाचे, वेड लागु दे आज रंगण्याचे, तनी मनी प्रेम वाढु दे रंगणारे उधळून जावू दे आज रंग सारे, भावप्रितिचे गंध बंध नाती सारे ॥ आला नवा नवा रंग असा, नवचैतन्याचा आनंद तसा, मी तु रंगलेला बघा कसा, धरुनी कटी वटी गाली उरे, उधळून जावू दे आज रंग सारे, भावप्रितिचे गंध बंध नाती सारे ॥ रंगाचा उत्सव आला होळी, सण हा दुष्प्रवृतिंना जाळी, होळी रे होळी पुरणाची पोळी, मनामनाचे रंग फुलती रे, उधळून जावू दे आज रंग सारे, भावप्रितिचे गंध बंध नाती सारे ॥ @ अमोल तपासे ©Amol Tapase

Amol Tapase

अखंड स्मरण योगी गजाननाचे पुण्य पुरूष संत गजाननाचे गण गण गणात बोते व्दीज प्रहरी वटवृक्षखाली उष्टया पत्रयावळी शिते वेचती माघ सप्तमी तिथी प्रकटले योगेश्वर दिगंबर अवतरले गण गण गणात बोते संत सावळा भक्तवत्सल समर्थ सदगुरू शेगावीचा भक्तजन दीन उध्दारीले भाव मनीचे गुरू अर्पिले गण गण गणात बोते अखंड स्मरण योगी गजाननाचे पुण्य पुरूष संत गजाननाचे गण गण गणात बोते *✍️ अमोल तपासे, सीताबर्डी, नागपूर* ©Amol Tapase

Amol Tapase

मराठी नाद गर्जतो सह्याद्रीच्या कडे-कपारी, कंठी उद्घोष धन्य आमची वैखरी, महामंत्र असा स्फूर्ति हृदय अंतरी, हर हर महादेव शिव छत्रपति, उजळती किरणे सुर्याची राष्ट्र हे मराठी ! आकाशी लहरे विजयी पताका भगवी, त्याग, शौर्य, मराठी अस्मितेची निशाणी, भरूनी मळवट रणचंडिके माय भवानी, तोफांचे चौघडे निनादति अन गाणी, दाहक यज्ञमहा भव्य दिव्य हे मराठी ! कर कटीवर सावळी परब्रम्ह मुर्ती, टाळ, वीणा, मृदंग गजर आळवती, ज्ञानोबा, तुका संत समईच्या वाती, मानवतेच्या प्रकाशाने तेजाळल्या ज्योती, भावतिर्थाची भूमी अध्यात्म हे मराठी ! टिळक, केशव, विनायक, भीमराव थोरसमर्पण, रक्त वाहिले, जीवन दिधले, समाजपरिवर्तन, झिजले कणकण खरोखर विजयी जीवन, शिवराया साक्ष ठेवून मराठी अभिमान, राष्ट्राची संघर्ष धुनी क्रांती हि मराठी ! स्वराज्य जननी जीजाऊ माय माऊली, स्त्री शिक्षणाचा ध्यास फुले सावित्री धावली, सप्तसुरांच्या संगीताला लतामाई पावली, वंदनिय मातृशक्ती वटवृक्षाची सावली, ज्ञानमंदिरात चेतला मंगलदिप हा मराठी ! गणेशभक्ती उत्सव आनंद पर्वणीला, सण विजया दशमीचा सिमोल्लंघनाला, अंबरी कंदिल दिपोत्सव दिवाळीला, गगनी उभारू गुढी संकल्प नववर्षाला, संस्कृति उत्सवाची उर्जेची स्पंदने ही मराठी ! एकच माती-नाती अनंत मराठी, विश्व कल्याणाचे गीत गातो मराठी, प्रसवते वीरता कण-कणात मराठी, शांतीचा मंत्र जागवतो मराठी, दशदिशात सामर्थ्याची ख्याती मराठी ! *✍️@अमोल तपासे, सीताबर्डी, नागपूर* ©Amol Tapase

Amol Tapase