ram lala ayodhya mandir ||श्री राम ||
ठेवून दुषित मन, नकोस शोधू चार दगडांमध्ये राम...
बघ एकदा डोकवून शुद्ध मनाच्या गाभाऱ्यात
दिसेल तुला प्रत्येक मनुष्याच्या कणाकनांत राम...
पवित्र हृदयाच्या धनुष्यातून सोडलेल्या
सत्य शब्दांच्या बाणात कदाचित सापडेल तुला माणसातच राम..
भुकेने तडपणाऱ्या जीवाची
अन्नपूर्णा बनून भूक भागवणाऱ्या मातेमध्येच दिसेल तुला सीतामयेचे मन...
पर स्त्री मातेसमान ही लक्ष्मणरेखा आखणाऱ्या
धाडसी पुरुषामध्ये भेटेल तुला रामबंधू लखन...
मनोभावे आत्मविश्वासाने आपल्या कर्मात देव मानून भक्तीकरणाऱ्या
कर्तबगार माणसामध्ये दिसेल तुला रामभक्त, अंजनीसूत हनुमान..
लोभी जगाच्या विळाख्यात त्यागाची मर्यादा आखलेला
क्रोधाच्या आगीत मनामध्ये संयमाचे बर्फ ठेवलेला आहे माझा राम
आहे राम कणा कणात , प्रत्येक्याच्या मना मनात,
राम वसतो सत्यवचनात तर करतो वास्तव्य सत्यकर्मात...
डॉ.भाग्यश्री
_ sensitive_ink_
©Dr. BHAGYASHRI
Continue with Social Accounts
Facebook Googleor already have account Login Here