👥ਤੂੰ ਰੱਬ ਨੂੰ ਲੱਭਦਾ🤲🏻
************
ਫੁੱਲ ਰੰਗ ਬੇਰੰਗੇ,"ਤੱਕ ਖਿੜ -ਖਿੜ ਹੱਸਦੇ
ਤੱਕ ਫਲ ਤੇ ਮੇਵੇ,"ਪਏ ਪੱਕਦੇ -ਰੱਸਦੇ
ਪਾਣੀ ਤੇ ਰੱਬ ਨੇ ਵੇਖ ਧਰਤ ਵਿਛਾਈ
ਤੂੰ ਰੱਬ ਨੂੰ ਲੱਭਦਾ ਹੋ ਗਿਆ ਸੁਦਾਈ
******
ਔਹ ਵੇਖ ਉਚੇਰੇ, ਬੰਦਿਆਂ,"ਕੀ ਪੰਛੀ ਗਾਉਂਦੇ
ਉਸ ਜਿਓਂਦੇ ਰੱਬ ਦੀ,"ਪਏ ਸਿਫ਼ਤ ਸੁਣਾਉਂਦੇ
ਕੁਦਰਤ ਨਾਲ ਹੈ ਰੱਬ ਨੇ ਕਾਇਨਾਤ ਸਜਾਈ
ਤੂੰ ਰੱਬ ਨੂੰ ਲੱਭਦਾ ਹੋ ਗਿਆ ਸੁਦਾਈ
******
ਤੱਕ ਅੰਬਰੀਂ ਤੰਬੂ ਵਿੱਚ ਜੜੇ ਸਿਤਾਰੇ
ਉਸ ਮੁਰਸ਼ਦ ਦੇ ਬੜੇ ਰੰਗ ਨਿਆਰੇ
ਹਰ ਪਾਸੇ ਰੱਬ ਨੇ ਹੈ ਬੜੀ ਰੌਣਕ ਲਾਈ
ਤੂੰ ਰੱਬ ਨੂੰ ਲੱਭਦਾ ਹੋ ਗਿਆ ਸੁਦਾਈ
******
ਤੂੰ ਫਿਰਦਾ ਲੱਭਦਾ ਰੱਬ ਨੂੰ ਚਾਰ ਚੁਫੇਰੇ
ਕਦੇ ਆਪਣੇ ਆਪ ਨੂੰ ਨਾ ਪਾਏ ਘੇਰੇ
ਤੂੰ ਮਨ ਅੰਦਰ ਨਾ ਕਦੇ ਜੋਤ ਜਗਾਈ
ਤੂੰ ਰੱਬ ਨੂੰ ਲੱਭਦਾ ਹੋ ਗਿਆ ਸੁਦਾਈ
******
ਬਲਜੀਤ ਮਾਹਲੇ ਛੱਡ ਤੂੰ ਏਹ ਰੋਣਾ ਧੋਣਾ
ਉਸਦੀ ਮਰਜ਼ੀ ਦੇ ਬਿਨ ਕੁੱਝ ਨਹੀਂ ਹੋਣਾ
ਸੱਚੇ ਰੱਬ ਨੇ ਹੈ ਤੈਨੂੰ ਸੱਚੀ ਕਲਮ ਫੜਾਈ
ਤੂੰ ਰੱਬ ਨੂੰ ਲੱਭਦਾ ਹੋ ਗਿਆ ਸੁਦਾਈ
******
ਲੇਖਕ:ਬਲਜੀਤ ਸਿੰਘ ਮਾਹਲਾ✍🏻
ਮੋਬ: 7888332802📱
©ਬਲਜੀਤ ਸਿੰਘ ਮਾਹਲਾ
Continue with Social Accounts
Facebook Googleor already have account Login Here