White Uske baare na pocho woh deewani alag thi. Woh jawani alag thi, meri kahani alag thi. Firaq-e-yar mey doobi meri kashti nayi thi, Woh saawan naya tha, woh baarish nayi thi. Woh aankhein chashm-e-qaatil sahi thi, par naaz-e-ulfat ne kaha, woh qaatil nahi thi woh qaatil nahi thi. Harf-e-mohabbat yun musht-e-khaak woh kargayi, ke sheher-e-ishq ne bataya woh jaahil nahi thi, woh jaahil nahi thi. Uske baare na pocho woh deewani alag thi, Woh jawani alag thi meri kahani alag thi. ~Raheeb . ©Raheeb

Raheeb

Ye woh aankhein jo meri baaton ko nazam karti hai, Ye woh aankhein jo khali padi meri kitaabon ko bharti hai, Nazar tu aaya kar Yun hi shaam-o-sehar aye haseen, ye kalam bas teri nigaah-e-karam mangti hai. ~Raheeb . ©Raheeb

Raheeb

Husn-e-tasavvur jo karti hai bayaan,  shayaron ki tu faqat woh shayari hogi. Teri saadgi, teri ada, tere lafzon ko sunkar bani mausiqi hogi. Bakhuda khoobsurati ki tu aisi misaal hogi. Is jahan ka tu azal-e-mojiza, Na jannat ki hoorein tere jaisi hogi. ~Raheeb . ©Raheeb

Raheeb

Woh khoobsurat hai itna ke aayena bhi usey dekhne ki ijaazat maangta hoga. Kuch yun banaya hai khuda ne usko ke aasman se chaand bhi jhaank ta hoga. Nayaab uski kashish hai raheeb, ke marne wala bhi aakhri khwahish mey usey maangta hoga. Muntazir aankho ka khatam jaane kab ye faasla hoga, Ke jannat ko jo jaata hai tu woh raasta hoga. ~Raheeb . ©Raheeb

Raheeb

Baaton mey uska mizaaj dekha, Har lafz mey chupa masoom ik andaaz dekha, Chehra dilkash, aankho mey Ehsaas-e-khaas dekha. ~Raheeb . ©Raheeb

Raheeb