garmiyon ki chhutiyaan
daadi se milne ka intzaar
kissa mere bachpan ka
har saal ka tha yaar
uski aakhein mera rasta
dekhti thi
kitne din rukna hai
ye jaate hi poochti thi
aur wapsi ke din jaise hi kareeb aate the
wo rone lag jaati thi
dadi ka pyaar,dulaar aur fatkaar
saari yadein samait ke jab aati thi
wo rah me baithi takti thi
jab tak main aati thi nazar
us din se lekar agli garmi tak baikraar
main karti thi
dadi se milne ka intzaar
©Neelam shukla
