White ****સારું હતું**** નોતી સમજણ સારું હતું મૂર્ખ બાળપણ સારું હતું આવી બુધ્ધિ ને દોઢે ચડ્યા ઘરનું વળગણ સારું હતું લીલોતરીની શોધ ખોટી ઠરી એ શુષ્ક રણ સારું હતું સાથે બેસી કોળ્યો ખવડાવતા જીવતા તર્પણ સારું હતું આવડી ગણતરી ને નાપાસ થયા નિસ્વાર્થ સગપણ સારું હતું લગામ વગર ભટક્યા કર્યા માથે આવરણ સારું હતું જયકિશન દાણી ૨૫-૦૨-૨૦૨૫ ©Jaykishan Dani

Jaykishan Dani

White મૌન હકારમાં ડૂસકા ભરશે ત્યારે સમજાશે ને શબ્દો અધકચરુ દળશે ત્યારે સમજાશે જેને કીનારે ડુબાડી દેવા મથ્યા આખી જિંદગી એ વિરલા મજધારે તરશે ત્યારે સમજાશે મધ્યાહને તપ્તી વેળાએ કઈ નથી સમજાયું એ પોતાના પડછાયાથી ડરશે ત્યારે સમજાશે ને જિંદગી આખી બીજાને નમાવામાં કાઢી નાખી એ ખુદ જ્યારે જાહેરમાં નમશે ત્યારે સમજાશે સત્તાના નશામાં વાંક ગુનાહ વગર સજા કરેલી કુદરત જ્યારે સજા કરશે ત્યારે સમજાશે જયકિશન દાણી ૨૪-૦૨-૨૦૨૫ ©Jaykishan Dani

Jaykishan Dani

માતૃભાષા ગુજરાતી ક્યારેક ધમકાવતી ને ક્યારેક પંપાળતી ક્યારેક લલકારતી ને ક્યારેક સંભાળતી ટોચ પર પહોંચાડતી ને તળેટી એ સાચવતી ક્યારેક હસાવતી ને ક્યારેક રડાવતી અદ્દલ મારી મા ની માફક સાથ આપતી ક્યારેક સતાવતી ને ક્યારેક જતાવતી પ્રીયના વિરહમાં રાત આખી જગાડતી ક્યારેક ઘણું કહેતી ને ક્યારેક ચૂપ રહેતી એક શબ્દના કેટકેટલા અર્થ આપતી ક્યારેક મલકાતી ને ક્યારેક શરમાતી જયકિશન દાણી ૨૧-૦૨-૨૦૨૫ ©Jaykishan Dani

Jaykishan Dani

શબ્દ ને કલમ ઓળખાણ છે અમારી ઝખ્મ ને મલમ ઓળખાણ છે અમારી ઝાઝી માથાફોડથી તો દુર જ અમે મૃદુ ને નરમ ઓળખાણ છે અમારી ઘર બાળીને રોશની આપી છે એમને દર્દ ને રકમ ઓળખાણ છે અમારી ઉજળા છીએ બે નામ છે સાથે એટલે વતન ને સનમ ઓળખાણ છે અમારી બીજી કોઈ ઓળખાણની જરૂર નથી કાગળ ને કલમ ઓળખાણ છે અમારી જયકિશન દાણી ૧૩-૦૨-૨૦૨૫ ©Jaykishan Dani

Jaykishan Dani

અગ્નિની સાક્ષીએ આવે છે ભૂલીને આવે છે, મૂકીને આવે છે ગલી મહોલ્લા અને યાદો એ જૂની દીકરી હૃદયમાં માવતરને સાથે લઈને આવે છે ફરીને ફેરા અગ્નિની સાક્ષીએ નવા સપના અને અરમાનો સાથે લઈને આવે છે હશે જ કઠણ કાળજું એ દીકરી નું મા બાપ ના હસ્તે દાન પોતાનું કરાવી પારકા ને પોતાના બનાવવા આવે છે વિદાય વેળાએ લૂછશે બાપના આંસુ, આંસુ પોતાના છુપાવી ને આવે છે ફરીને ફેરા અગ્નિની સાક્ષી એ આવે છે જયકિશન દાણી બોટાદ ©Jaykishan Dani

Jaykishan Dani

સમય પાછો આવ્યો હોય એવું લાગે છે સ્વપ્ન માંથી જાગ્યો હોય એવું લાગે છે કોઈએ સાદ પાડ્યો હોય એવું લાગે છે વડવાઈએ બોલાવ્યો હોય એવું લાગે છે આજે ફરી તુંકારો કરે એવા ભેગા થયા ફરી દરબાર જામ્યો હોય એવું લાગે છે સફેદ વાળની પાછળથી કાળા વાળે ડોકિયું કર્યું થાક ઉતરી ને ભાગ્યો હોય એવું લાગેછે ઘણા વર્ષો બાદ જમ્યાનો સંતોષ થયો જુનો ઓડકાર આવ્યો હોય એવું લાગે છે જયકિશન દાણી ૩૦-૦૧-૨૦૨૫ ©Jaykishan Dani

Jaykishan Dani