ବୁଝିବାକୁ ତୋତେ କେହି ବି ନାହାନ୍ତି ମନ ତୁ ନିରବୀ ଯାଆରେ କାହା ପ୍ରତ୍ୟୁତ୍ତରେ ଆଶା ତୁ ବାନ୍ଧିଛୁ ଆଶାକୁ ମାରି ତୁ ଦେ ରେ ସମସ୍ତେ ଏଇଠି ସ୍ୱାର୍ଥର ନାଉରୀ ପ୍ରତ୍ୟାଶା ମହଲ ଗଢ଼ନ୍ତି ବାହୁନି ବାହୁନି କାନ୍ଦିଲେ କି ହେବ ଅନ୍ତର କଥା କେ ଶୁଣନ୍ତି ଆତ୍ମାକୁ ତୋର ବନ୍ଧନରୁ କାଢ଼ି ଦୁଃଖର ପଥରେ ହ ବାଟୋଇ ହାତଭାଗିନୀଟେ ତୁ ଏହି ଜଗତେ କି ଲାଭ ମିଳିବ ସେ କଥା କହି ©lipipuspa sahoo

lipipuspa sahoo

ସମୁଦ୍ର କୂଳରେ ବସିଛି ଆଜି ମୁଁ ଵିନ୍ଦୁଏ ଅମ୍ବୁ ପାଇଁ ସାଗର ତିଳେବି ବୁଝେନି ମୋ ତୃଷ୍ଣା ତା ପାଖେ ସମୟ କାହିଁ?? କେତେ ଉର୍ମିମାଳା ଭିଡନ୍ତି ତା ପାଶେ ବ୍ୟାପିଛି ତା କାୟା ଦିଗନ୍ତ ମୁଁ ହିଁ ଯେ ଦୁଃଖିନୀ ଆଶା ଖାଲି ତୋଳେ ପ୍ରେମ ହୃଦେ ରଖି ଅନନ୍ତ | ଆମ୍ବୁରାଜ ସିଏ କେତେ ସୁକୁମାର ଏ ଦରଦ କି ସେ ବୁଝିବ ବୁଝିବା ବେଳକୁ ମୁଁ ଯେ ନଥିବି କେଉଁଠି ମୋତେ ସେ ଖୋଜିବ | ସୁଖର ତଟିନୀ ଭେଟନ୍ତୁ ତା କରେ ସର୍ବ ଐଶ୍ୱର୍ଯ୍ୟର ନାଥ ସେ ହେଉ ମୁଁ ହିଁ ଛାର ନାରୀ କି କରି ପାରିବି ମୋ ପ୍ରାଣ ତା ପାଦରେ ଥାଉ | କୋଟି ଆଶୀର୍ବାଦ ବର୍ଷୁ ତା ଦେହରେ କୋଟି ଜନଙ୍କର ପ୍ରିୟ ସେ ହେଉ କୋଟି ମାଧବଙ୍କ ସେବା କରି ସିଏ କୋଟି ଜନ୍ମ ପାଇଁ ଅମର ରହୁ | ©lipipuspa sahoo

lipipuspa sahoo

ତୁମ ଆଖିରେ ମୋ ପାଇଁ ସ୍ବପ୍ନ ତୁମ ଓଠରେ ମୋ ପାଇଁ ପ୍ରେମ ତୁମ ମନରେ ମୋ ପାଇଁ ବିଶ୍ୱାସ ଆଉ ତୁମ ଛାତିରେ ମୋତେ ସାରା ଜୀବନ ସମ୍ଭାଳିବାର ଧର୍ଯ୍ୟ ହିଁ ମୋର ପ୍ରକୃତ ଶକ୍ତି ମୋ ପ୍ରିୟ ❤ ©lipipuspa sahoo

lipipuspa sahoo

ମୋ ପ୍ରେମ, ତୁମେ ମୋ କଳ୍ପନାର ସତ୍ୟତା, ତୁମେ ମୋ ହୃଦୟର ପ୍ରତିମା, ତୁମେ ମୋ ପ୍ରାଣର ନିଶ୍ୱାସ, ତୁମେ ମୋ ପ୍ରେମର ପ୍ରକାଶ, ଏ ସାଧାରଣ ଚକ୍ଷୁରେ ନୁହେଁ,ମୋ ପ୍ରେମର ଦିବ୍ୟ ନେତ୍ରରେ ଦେଖିବାକୁ ଚାହେଁ ତୁମକୁ ଏ ଶରୀରର ସୂକ୍ଷ୍ମ ସ୍ପର୍ଶରେ ନୁହେଁ, ମୋ ହୃଦୟର ପବିତ୍ରତାରୁ ସ୍ପର୍ଶ କରିବାକୁ ଚାହେଁ ତୁମକୁ କାରଣ କେବଳ ତୁମେ ହିଁ ମୋ ପବିତ୍ରତା, ତୁମେ ହିଁ ମୋ ଅସ୍ତିତ୍ବ, ତୁମେ ହିଁ ମୋ ବିଶ୍ୱାସ, ତୁମେ ହିଁ ମୋ ଜୀବନ ❤ ©lipipuspa sahoo

lipipuspa sahoo