ussey bhi mohabat thi tou bata deta.
wo b mujhse aashana tha tou jata deta.
mei purjoshi se apne khwabon ka raks krti gayi,
uski bhi kuch aarizu thi tou bata deta.
mei cheekhi chilayi thapad ki har goong par,
wo bhi zindagi ka maara tha tou bata deta.
meine tou bebaak hokar bata diya k taloo-e-aftab(sunrise) pasand hai mujhe.
ussey b baad-e-saba pasand thi tou bata deta.
haan maana mei us raat mehtaab(moon) ko dekhne mei magan thi,
par wo meri aankho ki ziya mei baha tha tou bata deta.
haan kehdiya rangeen gulistaan boht pasand hai mujhe,
par uski zindagi siyaah thi tou bata deta.
mei apne urooj mei be-hiss thi par be-khud na thi.
wo apne zawaal mei dhooba tha tou bata deta.
usse b mohabat thi tou bata deta.
wo b mujhse aashna tha tou jata deta.
seema javid
©sight to soul.
Continue with Social Accounts
Facebook Googleor already have account Login Here