"Happy children day फेर तैं अलहड़ सा वो बाळक मैं होणा चाहूँ सूं पल खुशी के जोड़ कैं माळा पिरोणा चाहूँ सूं नींद की परियां पुराणी, पहलड़े वै राजा राणी दाद्दी धौरै बात सुणता सुणता सोणा चाहूँ सूं बेफिकर हो गाळां म्हं मस्ती तैं खेल्लूं रात दिन पल्लु माँ के प्यार का बाब्बू का छौहणा चाहूँ सूं किस्तियाँ कागज़ आळी वै घर बणाणा माट्टी के देख तैं ए दिल हो राज्जी वो खिलोणा चाहूँ सूं काम की चिंता नहीं थी ना फिकर थी खाणे का दिन जो रुळगे रेत म्हं दिन वै टोहणा चाहूँ सूं झूठ आळी हाँस्सी तैं रै छिक लिया सूं मैं घणा जोर तैं गळ पाड़ कैं नै आज रोणा चाहूँ सूं राजबीर खोरड़ा। 14.11.2023. ©Rajbir Khorda"