"White اس وقت ملک میں شرک کے اظہار کا ماحول ہے ، شرک اپنے غلبہ کا اعلان کر رہا ہے ، یقینا یہ وقت اہل ایمان کی آزمائش کا ہے ، ان حالات میں تجارت ، سیاست اور سرکاری ملازمت سے جڑے لوگوں سے عرض کرنا ہے کہ تجارت میں نقصان ہوتا ہے تو ہو ، سیاست ختم ہوتی ہے تو ہو جائے ، ملازمت جاتی ہے تو جائے ، لیکن کسی قیمت پر شرک کے غلبہ و اظہار کے جشن میں کسی طرح کی شرکت نہیں کرنا ہے ، کامیابی و سرخروئی ان ہی کے لیے ہے جو عقیدہ پر استقامت کے ساتھ جمے رہیں گے ، یوں بھی قرآن کا مطالبہ ہے ولا تموتن الا و انتم مسلمون ..... یاد رکھیے اگراس وقت جھک گئے اور بے جا رواداری دکھائی یا کسی وجہ سے ڈر کے شرکت کی تو نہ صرف عقیدہ برباد ہو گا بلکہ اس ملک میں آپ کا مستقبل اور تشخص ختم ہو جائے گا ، ان سے صاف کہیے لکم دینکم و لی دین ۔ اگر آپ جم گئے تو یقین رکھیے آپ کی اسی استقامت سے توحید کی پو پھوٹے گی اور شرک کے اڈوں کو توحید کے نور سے منور کر دے گی ۔ شب گریزاں ہو گی آخر جلوہ خورشید سے یہ چمن معمور ہو گا نغمہ توحید سے ط۔ ایوبی ©Arshad Mushtaq Nadwi"