"dil meñ na ho jur.at to mohabbat nahīñ miltī ḳhairāt meñ itnī baḌī daulat nahīñ miltī kuchh log yūñhī shahr meñ ham se bhī ḳhafā haiñ har ek se apnī bhī tabī.at nahīñ miltī dekhā hai jise maiñ ne koī aur thā shāyad vo kaun thā jis se tirī sūrat nahīñ miltī hañste hue chehroñ se hai bāzār kī zīnat rone kī yahāñ vaise bhī fursat nahīñ miltī niklā karo ye sham.a liye ghar se bhī bāhar kamre meñ sajāne ko musībat nahīñ miltī ©Mohd Arsh malik"