"Tumhe bahut yaad karta hoon mai. apne-aap hi dhyaan chala jaata hai, tumhari kahi kisi baat par. Ya yaad aa jaati hai, koi choti si kahani jo apne bachpan ki sunai thi tumne. Phir inhi baaton ko jod-tod ke kuch naya hi samjh leta hoon tumhare bare me, thoda aur. Aaj jab tumhe mai soch raha tha Tabhi kuch nayi cheeze Samjh aayi, tumhare baare me. Ki jaise…. Tumhe subha jagane ke liye hi suraj roz nikalta hai. Badal Iss duniya me isiliye hain ki Kahin uss Suraj ki dhoop, tumhe tez na lagne lage. Jab tum din bhar ke kaam se thakne lagti ho toh raat aa jaati hai. chand aur taare sajane lagti hai sirf tumhe deekhane ke liye. Suraj bhi tumhare, badal bhi, Chand bhi, taare bhi, Aur raat Yeh sab kuch tumhare hain waise toh. Par Inn sabse fursat mile, toh tum mujhe ek phone kar lena. Kyunki.. Tumhe bahut yaad karta hoon mai❣️ ©pαrípєkѕhчα"