"White छोरीको चिठ्ठी बा, कहिले फर्की आउनू हुन्छ ? बा, हजुरलाई सन्चै छ नी ? हरेक दिन जब घामले धर्तीको पाउ टेक्छ जब साँझ रात्रीको यात्रामा हुन्छ हजुरको यादहरूले लुका-छुपि खेल्छन् थाहा छ मलाई..त्यो खाडीमा पैसा फल्ने रूख हूंदैनन बा, हाम्रा सपना हरूले सागरमाथाको चुचूरो छुँदा हजुरको गालाहरुले सोनाली जयन्ती विदेशमै मनाएर वस्ने भएनी ... बा मेरो देशले अझै पनि सोताकी छोरी होस् भन्न खोज्छ तर मैले न्यायाधीशलाई डोकोभरी प्रमाण दिएकी छु सायद अब मेरो देशलाई होस् फर्किन्छ कि! बा, हाम्रो तल्लो बारीले तपाईंलाई खोजें जस्तै गर्छ... सायद तपाईंकै पर्खाईमा छ .... अनि काली गाईको पाख्रे बाछो ठूलो भयोनी .... गाईगोठ पनि सुस्ताएको छ हजुरको यादमा ... हजुरलाई थाहा छ पल्ला घरे सालदाई जस्ले आफ्नो सारा सम्पत्ति धितोमा राखेर साइँली भाउजुलाई अधिवक्ता बनाएको थियो नि अहिले साइँली भाउजुले दाईको नामको सिन्दुर अरुलाईनै बसाई सारि दिनुभएछ ... सालदाईले न्याय पाउलान् बा ??? बा हजूरलाइ थाहा छ ! बसन्त देखि शिशिरसम्म म एउटा राजनीतिविदको खोजमा निस्केकी केवल निरासाको बादल लिएर आए ! बा ! यहाँ त उहिलेको झैं धर्म ,जाति ,भाषामा सत्ता किनिन्छ , सत्ता साटिन्छ ! लोकतन्त्र केवल संविधानमा सजिएको छ! खोक्रो भएको छ राजनीति , भोकले देश रोएको छ ! बा म देशको भविष्य बदल्न सकुम्ला? मेरै देशमा सबैको बा र बा को परिवारलाई राख्न सकुम्ला ! बा अव आफ्नै देशमा आईदिनुहोस्न है । आफ्नै देशमा निर्भरशीलहौन है । छिट्टै विपनामा देख्ने आशामा कुरि रहेकी छु इति तपाईंकी छोरी । ©swary dhungel"