"তাইজনী সংগ্ৰামী জীৱনৰ পথটোত কেঁচা কেঁচা খোজবোৰৰ সতে আধাভগা সপোনবোৰ দুমুঠিত বান্ধি , আগুৱাই যায় অচিনাকি পথটিত , তথাপি ওলমি থাকে নিভাঁজ দুওঁঠৰ বাকৰিত তাইৰ মিঠা হাঁহিটো । তাইৰ মন মন্দিৰৰ দুৱাৰদলিত সঁজাইছে এখনি সুগন্ধি ফুলৰ বাগিচা , যত প্ৰতিদিনেই থাকে পখিলা ভোমোৰা , ইয়াতে থাকে তাইজনী উমলী নিঃসংগতাৰ পৰা আঁতৰি । সুখত সুখী , বিষাদত চকুপানী আকৌ কষ্টত আগুৱাই দিয়ে সহায়ৰ হাতখনি , অহ সেইবাবেই ভাল লাগে তাইজনীক । অহ মই সৌভাগ্যজনৰ গৰাকী নিচেই ওচৰত পাই তাইজনীক তাইৰ মৌ বৰষা দুওঠৰ পৰশত , প্ৰাণ পাই উঠা প্ৰতিটো কথাই , চুই যায় মোৰ হিদয় , শিকাই যায় জীৱনৰ মাদকতা । অহ সেইবাবেই ভাল লাগে তাইজনীক , অহ বৰ ভাল লাগে , ঐ তাইজনী , নহবা সলনি , নাযাবা কেতিয়াও আঁতৰি ।। ✍️অংকুৰ"