"শব্দৰ প্ৰেমতো জানো কোনোবাই পৰিব পাৰে সুৰৰ ভাজতো জানো কোনোবাই নিজকে হেৰাব পাৰে বৰষা , যাৰ নামতে মৌ বৰখে জানেনে বা , আপোনাৰ সুৰতো মধু বিয়পে , আপোনাৰ যাদুকৰী কণ্ঠ আৰু মৌ বৰষা সুৰৰ পৰখে যেন কঢ়িয়াই আনে চেঁচা সমীৰণজাক যেন ফুলি উঠে হেজাৰ মৰহা গোলাপ । জানেনে , আপোনাৰ সুৰে কঢ়িয়াই আনিব পাৰে আবেলিৰ সাঁতোৰঙি ৰামধেনু বিয়পাই পেলাব পাৰে সুগন্ধি বকুলৰ আমোলমোল । গোটেই দিনটোৰ ভাগৰীয়া শৰীৰটো লৈ মাজনীশাৰ সময়কণত , আপোনাৰ সুৰৰ পৰশ থাকিম তোমাৰ সতে সুখত মৰিলেও ভোকত... উফ..... পলকতে যেন ভাগৰবোৰ হেৰাই পৰে আকৌ এবাৰ প্ৰেমত পৰো আপোনাৰ সুৰৰ । মোৰ দৰেই হয়তো শতজনে হেৰাই পৰে আপোনাৰ সুৰৰ ভাজে ভাজে মোৰ দৰেই হয়তো সিহতবোৰৰো বিচাৰি পায় আপোনাৰ কণ্ঠত মাদকতা নিভাজ প্ৰেমৰ । বৰষা বা , আপোনাৰ ৰূপৰ বাখ্যাত মই শব্দহীন শৰতৰ শেৱালি আপুনি , আপুনি জোনাকৰ জোনাকী বসন্তত কেতেকীৰ মাতত প্ৰাণ পাই উঠা কোমলীয়া কপৌপাহ আপুনি । অন্তত আপোনালৈ বুলি মোৰ নীৰৱ হৃদয়ৰ পৰা অলেখ মৰম , ঘোৰ অমাবৈশ্যৰ বুকুত আপোনাৰ সুৰে আগলৈও পোহৰ সিঁচক, মুগ্ধ কৰি যাওক সকলোকে আপোনাৰ সুৰৰ মৃদুজাকেৰে ।। আপোনাৰ বহুত ডাঙৰ অনুৰাগী অংকুৰ..... ©Ankur"