"Kash ek baar mil jate Har badnasibi mein khushi ki ek tinke jaise Berukhe sawalon ke aasan jawab bannke Bass ek baar nazre tayer gaye hote tumhare, barf si jami humare inn aankho mein Padh lete sukhe ashq aur uske wajah saare Bina pooche sun lete dil aur dimag ki guftgu Khamoshi mein chupe narazgi ko dekh lete bass ek dafa Talwar banne se pehle naram lohe pe kiye gaye waar ki awaz sun lete agar To sayad samajh jate ki khafa Tumse nahi the Khafa hai us Kirdar se jiske sahare tumne kila banaya hai, Har us shaqs se ladne ke liye jo tumhare bhetar tak jhaankta hai Lekin darr ke chilman ne himmat ko aisa dhak diya hai ki ab fark nahi kar pate dost aur dushman mein Warna humari maksad to bass un tutte huye diwaron ka marammad karne ki thi Unpe lage tasveeron ko utarne ki nahi Kyunki Phir Tumse tumhara hissa alag ho jata Aur kuch zakhm behad keemti hote hai, Humare aaj ko aakar dene ke liye.. Khayer, jahan bhi apna dhyan rakhna🥀 ©Patralika"